ANG MGA DAGA
Tuwang-tuwa ang isang Daga ng makita niya ang isang keso ngunit laking gulat ng bigla siyang dinakma ng Pusa. Sindak ang mga kasama niyang Daga sabay tanaw nila na kinakain ng Pusa ang kanilang kasama.
Nag-isip sila ng paraan upang hindi na maulit ang gayong pangyayari, dahil doon ay nakalikha sila ng ingay. "Tumahimik kayo." Sigaw ng puno nila. "Mag-isip kayo ng paraan." Dagdag pa nito. May sumigaw ng, "Alam ko na ang dapat na gawin." "Ano iyon?" tanong ng pangalawang Dago. "Sasabitan natin ng kuliling ang leeg ng Pusa." "Sino ang magsasabit?" tanong ng pangatlo.
Kung sino ang naka-isip ay siya ang gagawa." Sabi ng puno. "Hindi maaari, pagkat bago pa lang ako makalapit ay papatayin na ako ng Pusa." Nahihiyang sagot ng may panukala.
Sabay-sabay na umalis ang mga Daga at naiwan ang mayabang na nagpanukala.
Ang Gintong Aral:
1. Kung hindi mo kaya ay huwag mong pangahasan, upang kung hindi mo magawa, ay hindi ka masumbatan.