LANGIT

LANGIT

Hiwaga sa itaas
Ay iyong silayan
At maging saksi
Sa kanyang kariktan

Sa umaga ay tanaw
Pagsikat ng araw
Na mula sa silangan
Patawid ng kanluran

Kaysarap pagmasdan
Sa gabing madilim
Mapahimalang langit
Kaydaming bituin

Sa iyo ri'y mananahan
Ang pilak na buwan
Langit nayakap
Ng aking isipan

Ahh langit..

Sa aking pagpanaw
Ay maging hatungan
Upang masilayan
Ang lobo kong laruan

Lobong lumilipad
Mula sa aking nakaraan
At mahiwagang langit
Siya ay hahagkan.

Read More

ANG ULAN

ANG ULAN 

Namuong ulap 

sa langit kong tanaw

Nagmula sa lupa't

sinipsip ng araw

Bumagsak sa lupa 

ulan na kaylamig

Kaylamig mong hangin,

nakaliligalig. 

Sa bawa't pagpatak,

mula sa mga ulap

Ay isang patunay 

na ang lupa'y nangarap

Nangarap na minsan pa'y

muli laing mahagkan 

At bigyan ng buhay, 

tuyot niyang katawan. 

Mula sa hamog 

ng gabing nagdaan

hinimok ng init 

sa kinaumagahan

"O ulan, o ulan"

sabi ng puso ko 

Ang iyong pagbuhos

ang pagsusumamo

Nagdaang tag-araw

iyo nang lunurin 

Luntiang lupain

Ang aming mithiin

"O ulan, 0 ulan"

ang iyong pagpatak

Sa puso kong ito'y

nagpuno ng galak.

Read More

BUNDOK

BUNDOK 

Umbok ng lupang hinubog ng Diyos

Sa ating paglapit ay napakatayog 

Tila higanteng bimbing sa pagtulog

Mga ulap sa taas sa kanya'y yumapos. 

Bundok na sa tayog, tila nagyayabang

Minsa'y sa dagat, tila nakalutang 

Laging nakabantay sa kalawakang ganap

Laging nahahagkan ng mga alapaap. 

Kaykinis niyang lupain, mga hayop nanahan

Ngunit sa malapitan ay kay daming bangin

Sa kanya ri'y umaagos kaylinis na batis

Batis na kay lamig, pinalamig ng hangin 

Bundok na sa kanya y may gintong nabubungkal

Ng taong di matutong sa kanya'y magmahal

Sadyang mapagbigay, bundok na may buhay

Kaya't dapat mahalin at paka-arugain.

Read More

ANG MANGINGISDA

ANG MANGINGISDA

Palalaot na naman 

sa bangka niyang sasakyan

Susuungin ang dagat 

na talagang kaytapang

Along makapangyarihan

kanyang lalabanan

Makapangisda lamang 

para sa kanyang bayan

Dakilang mangingisda 

kaylakas, kaygaling 

Na karaniwang tao'y 

di kayang gayahin.

Ako sana'y makasama 

sa iyong pag-alis 

Umangkas sa bangka mong 

kaytikas, kaybilis 

Upang maranasan 

buhay sa dagat 

Na alam kong sa aki'y

napakabigat 

Ikaw na marahil 

ang bagong idolo

Maralita man 

ay totoong tao.

Read More

DALAMPASIGAN

DALAMPASIGAN

Kayrikit na tabi ng dagat kong bughaw 

At ang alon mo sa na kanya'y sumasayaw-sayaw

Patuloy ang paglapit upang siya'y mahagkan

Mahagkan parati ang dalampasigan. 

Sa tabi ng dagat, kay payapang tunay

Ngunit kung minsa'y tila naghahamon

Kamao niyang alon kay lakas itapon

Yao'y pag galit si amang panahon

Ang dalampasigan, kung minsan kay bagsik

Dagat; kay bagsik ng kanyang tilamsik 

Ngunit pagkatapos maghasik ng bagyo, 

Ang dalampasigan, maamung-maamo. 

Karagatan 

heto't muli mo ng hagkan 

ANG DALAMPASIGAN. .. 

Read More

BAYANG TINUBUAN

BAYANG TINUBUAN 

Bayang tinubuan, napakadakila 

buong pusong inibig, bayang may prinsipyo 

pag-ibig pa alay sa tinubuang lupa 

ay gaya ng winika ni Gat Bonifacio: 

"Aling pag-ibig pa ang hihigit kaya 

sa pagkadalisay at pagkadakila 

gaya ng pag-ibig sa tinubuang lupa

aling pag-ibig pa? Wala na nga, wala." 

Bayani'y nakipagdigma, hangad ay kalayaan

kalayaan na sa baya'y kanyang pinakayaman

nagbuwis ng pawis, dugo at buhay 

bayaning dakila, upang tayo'y lumaya.

Bago humimbing, ating ipanalangin

bayang nagkupkop, nag-aruga sa atin

nararapat lamang na ating mahalin

ating inang bayan, bayang tinubuan.

Read More

ANG GURO

ANG GURO

Pangalawang ina 

Ang tawag sa kanya

Sa ikalawang tahanan

Ngala'y paaralan. 

Guro ang gabay 

Ng bawat mag-aaral

Mag-aaral na 'di dapat

Sa kanya'y sumuway. 

Kung minsan ang guro'y

'di maiwasang magalit

Para mapangaraian

Batang makulit.

Ating igalang 

Ating mga guro 

Pagkat tayo'y nahubog

Mula sa kanyang mga turo. 

Salamat o guro

Salamat sa mga aral 

Batid naming mga anak mo

Na kami'y iyong minahal.

Read More

ANG DAHON

ANG DAHON

Luntian 

kulay na mahiwaga 

sa dahong sariwa 

na umusbong sa tangkay

sa halama'y katulong 

sa pagbibigay-buhay 

Dahon 

na tila gayumang

nang-aakit ng ilan

at kung wala ka 

ang puno bay gaganda? 

Luntlang dahon 

na nagbibigay lilim 

at patuloy na sumasayaw

sa musika ng hangin

Read More

ANG MASIPAG AT ANG TAMAD

ANG MASIPAG AT ANG TAMAD

Ang ama'y pumanaw, sa kanila'y habilin

malawak na lupain, paghati-hatiin

pamanang lupain, magkakasinsukat 

sa magkakapatid na ang bilang ay apat 

Ang mga magkakapatid, di pare-pareho

dalawa ay masipag, dalawa ay tamad

dalawa'y masikap maglinang ng bukid

dalawa'y pabaya, di natutong magtipid 

Ang buhay ng mga masisipag ay naging sagana

samantalang ang mga tamad sa hirap sumadlak

pagaari ng tamad, naging sa masipag 

kaypalad talaga, masisipag na anak 

Ngayon ang may-ari, pamana sa apat 

ay dalawa na Lang ang nag-iingat

samantalang ang anak na mabisyo't tamad

ay sa kahirapan, na nga nasadlak

Read More

ANG MAGSASAKA

ANG MAGSASAKA

Mithiin niya'y umunlad

buhay at bayan 

Kaya naman parating

naroon sa sakahan

Walang Lugar ang pagod

lungkot at dusa

Talagang kay dakila 

yaring magsasaka 

Takipsilim pa lamang

mga mata'y dilat na Naroon sa bukid 

siya'y nagtatrabaho

Ang init ng araw 

ay di alintana 

Kahit katanghalian

siya'y nag-aararo 

Dakilang magsasaka

maraming salamat

Sa pagkain ng buhay

na iyong inani 

Sa paglubog ng araw

sana'y aming matanaw

Ngiting namumutawi 

sa iyong mga labi

Read More

SARANGGOLA

SARANGGOLA 

Saranggolang gawa sa "Papel de Hapon" 

idinikit sa patpat at saka tinalian 

sana'y tangayin ng Hanging Amihan 

ang munti kong guryon, kaygandang laruan 

Sa iyong paglipad sa langit na malawak

at di maiwasang sa iba ay lumaban

magpakatayog ka, iwasan ang dagitan

pagkat pag nasawi, puso ko'y iiyak 

Ang buhay ay tila saranggolang matayog

marupok, malikot, sa hangin umaasa 

O Panginoon, patnubayan mo sana

upang saranggola'y hindi na mahulog 

Saranggolang bigay sa akin ni Ama

madagit man at sa iba mapunta

mapagpalang kamay sanang makakuha

at siyang magpalipad sa aking saranggola

Read More

ANG HANGIN

ANG HANGIN

Aking nadarama, ihip niyang banayad
Ang haplos niyang hindi ko makita
Pisngi ko'y nahagkan ng hanging amihan
Halik ng isang inang kumakalinga.

Saan ka pupunta?
Saan ang paglalakbay?
0 hanging katulad
Ng sarili kong buhay
Na 'di tiyak kung saan
Ang aking hantungan
Saan nga ba o hangin
Daang aking tatahakin.

O mahiwagang hangin
Alam kong kung sakaling pumanaw
ang buhay kong ito,
ay sasama sa iyo
ang diwa at isip ko.

Read More

MAG-ARAL TAYO

MAG-ARAL TAYO 

Mag-aral tayo, mga kaibigan

para sa ating kinabukasan

tayong kabataan ang maaasahan

tayo ang pag-asa ng ating bayan 

Hindi mawawala, dunong at talento

ating hubugin sa ating pagkatao 

talino mula sa pag-aaral ay gantimpala

tumanda ma't pumanaw hindi mawawala 

Saaping pamana, maaaring lumipad

di gaya ng aral, maaaring ilahad

minana mong talino'y habambuhay iyo

kaya't kabataan, mag-aral tayo

Read More

ANG SAMPAGITA

ANG SAMPAGITA 

Pambansang bulaklak

kaybango't kayputi'

Nagbibigay galak 

sa Pilipinong lahi 

Bango mo'y walang katulad

at walang kumpara

Laging palamuti 

sa leeg ng dalaga 

Mahiwagang sampagita

bulaklak ng bayan

Simbolo ng dangal 

At ng kalinisan

Sampagita na kayputi

bulaklak ka ng puri

lpagtatanggol ng bayan

kahit na masawi

Read More

MAHAL NG MAGULANG

MAHAL NG MAGULANG

Bakit aking magulang ako'y pinapalo

at nanunumbat pagkatapos paluin 

sa salita't tampo'y aking napagtanto

di nila ako mahal, ayaw nila sa akin 

Sa sakit ng kalooban

nagtungo kung saan

maraming mga tanong

naghanap ng kasagutan 

Isa ring magulang

ang aking nakita 

sa kanya'y nagtanong

kung bakit ganito 

Ang sabiniya sa aki'y

mahal-niya ako 

ayaw lang nilang mapahamak ako

na kanilang anak

Ako'y nagising, nasabi sa sarili

pagpalo ay damahin, aral ang mithiin.

Read More

ANG PAMBANSANG WIKA

ANG PAMBANSANG WIKA 

Kaylambing isalita, wikang pambansa

sa ating mga diwa ay kumakalinga 

Wika'y laganap sa buong Pilipinas

sa tatlong pulo: Luzon, Mindanao, Visayas 

Alagaan natin, pambansang wika

musika ng ating sinilangang lupa 

Bayang Pilipino, pakaarugain 

ang pambansang wika a! iyong ibigin.

Read More

ANG BANSA, ANG WlKA AT DIWA

ANG BANSA, ANG WlKA AT DIWA 

"Ang di magmahal 

sa sariling wika

mahigit pa sa hayop 

at malansang isda"

Ang mga katagang

si Rizal naglikha

para ating mahalin,

pambansang wika

Wika ang kaluluwa

ng ating bansa 

wika ang nagbubutlod

sa ating mga diwa

kaya't magkaisa

tayong mga Pilipino 

at ang wika'y mahalin 

ng buong puso

Wikang sinasambit

ng bata't matanda; 

mga Pilipino 

na may isang diwa 

diwang nagtaguyod

sa ating inang bansa

kaya't ipagmalaki, 

isang bansa, wika't diwa.

Read More

ANG BATANG ULIRAN

ANG BATANG ULIRAN

Batang masunurin, batang magalang

batang di sumusuway sa mga magulang

sa lahat ng oras, sana'y pagpalain, 

ng Poong Maykapal ang kanyang dalangin: 

Sa araw-araw, ang ina'y nagbibilin 

ng utos na sana ay lagi niyang sundin

bigyang-dangal sana ang mahal niyang ama

ang sabi sa bilin ng irog niyang ina. 

Ulirang bata, ang mabuti ay tularan, 

ang masasamang gawain ay iyong iwasan

upang sa pagdating ng kinabukasan 

ang ugaling wasto ay maging sandigan. 

Sa nakatatanda siyay laging magalang 

at mapagparaya sa mga kaibigan 

ang ulirang bata, sa kanyang paaralan

ay huwaran talaga sa katalinuhan.

Read More

ANG BANDILA

ANG BANDILA

Ang kahulugan ng ating bandila 

bayang pinagtanggol ng bayaning dakila

bayang marangal, bayang may bandila

ay bayang binigay sa atin nt Bathala.

Mga pulong Luzon, Visayas, Mindanao 

ay ang mga bituin na sa bandila mo'y tanaw

samantalang ang araw na may walong sinag

ay simbulo ng mga lalawigang habag. 

Ang watawat nating wawaga-wagayway

sagisag ng laya ng bayang sinilangan

bandilang tikas na tila kumakaway

ipinagmalaki itong bayan sa silangan. 

Ang ating ina, pangala'y Pilipinas

bandila'y inalay-ng tao sa kanya 

mga taong may angking talino at gilas

mga taong kung tawagiy mga Pilipino. 

Kaya't ipagtanggol, bandila't prinsipyo

ng ating inang bayan, lupang sinilangan

sapagkat tayo, mga Pilipino 

ang ating bandila'y atin ring sandalan.

Read More

ANG TAHANAN

ANG TAHANAN 

Maliit na kubo, tahanan kung tawagin 

ngunit mala-palasyo sa aking paningin 

si Ama, si Ina, ang buong pamilya 

ang nagbibigay buhay sa munting bahay 

bahay na nahagkan ng panahong nagdaan 

lugar kung tawagin ay isang tahanan 

Di ko malaman at di mapagtanto 

kung bakit sa tahanan ay ayaw lumayo 

marahil ay dahil sa mga alaala 

na ltindi na mabubura sa aking isipan 

mga alaala ng pag-iyak at pagtawa 

mga alaala sa aming tahanan. 

Tahanan na humubog sa aking pagkatao

ng sa aking pagtanda'y di ko malilimot 

mga aral na natutuhan sa aming tahanan 

mga bagay na maituturing na kayamanan. 

aking gabay, kahapong nagdaan 

kahapong nanahan sa aming tahanan.

Ako'y nagpapasalamat sa Diyos na mahabagin 

at ang aming tahana'y di nabuwag ng hangin 

lagi sanang pagpalain ng ating Maykapal 

mga kasambahay na sa pag-ibig ay sakdal 

kasama ang tahanang di gaanong magara 

ngunit nag-aruga sa aking pagkabata.

Read More