LANGIT
Hiwaga sa itaas
Ay iyong silayan
At maging saksi
Sa kanyang kariktan
Sa umaga ay tanaw
Pagsikat ng araw
Na mula sa silangan
Patawid ng kanluran
Kaysarap pagmasdan
Sa gabing madilim
Mapahimalang langit
Kaydaming bituin
Sa iyo ri'y mananahan
Ang pilak na buwan
Langit nayakap
Ng aking isipan
Ahh langit..
Sa aking pagpanaw
Ay maging hatungan
Upang masilayan
Ang lobo kong laruan
Lobong lumilipad
Mula sa aking nakaraan
At mahiwagang langit
Siya ay hahagkan.